2 Novembre, “Sogno”
-di Giuseppe Esposito-
Sarà forse l’approssimarsi del giorno dei morti, la ragione per la quale il mio pensiero corre di frequente a mia madre. Sono quattro anni già che mia madre ci ha lasciati eppure, spesso, nel buio del primo mattino penso a lei e mi sembra di sognare.
Uno di quei sogni ad occhi aperti che sono più veri del vero. E questo sogno oggi mi piace raccontarlo, ma nella mia lingua madre, quella napoletana. La lingua in cui avvenivano i nostri dialoghi.
Viene ohi ma’
Ch’aggiu fatto ‘o café.
Siente ch’addore
ca se spanne p’ ‘a casa.
Viene
Ca t’aggio appriparata
‘a tazza e ‘o cucchiarino,
‘e biscotte, ‘a sarvietta
E ‘o bicchiere cu ll’acqua.
Puortete ‘e pinnule,
viene, pure ‘o cane t’aspetta.
Viene ca nce facimme
Quatte chiacchiere
Parlanno chianu chiano
Sulamente io e te.
Dinto a chesta penombra
Cu chella lucia miccia
Ca stà ‘ncoppo ‘a cucina.
Viene
E doppo ta vai a fa
N’atu suonno,
dinto a stanza ‘e nepoteta
chella ca stà a Milano.
Ma, ma che faie,
nu viene?
Che d’è can un rispunno?
He reèigliate suonno?
Vaco a vedè
Che tene,
dinto ‘a stanza ‘e mia figlia,
chella ca stà a Milano.
‘A porta è chiusa
Arapo
È tutto oscuro
pure ‘o lietto è vacante.
M’assetto e penso,
che fesso
chille so’ già quatt’anne
ca mammema
ha chiuse ll’uocchie.
Pe pare ajere
E io, tutte ‘e matine
Quanno so’ mponte ‘e cinche
Me faccio chistu suonno.
Vularrà diì quaccosa?
Ca forse
Chesta vota
Si’ tu c’aspiette a me?
Immagine: Amedeo Modigliani , Donna rossa, 1918.
